Balearretako habailari
![](http://upload.wikimedia.org/wikipedia/commons/thumb/3/37/Balearic_Slinger.jpg/220px-Balearic_Slinger.jpg)
Balearretako habailariak Balearretako indigenek osatutako antzinako armadako gorputza osatu zuten. Mertzenario garrantzitsuak izan ziren, bai kartagoar tropetan, bai erromatarretan, batez ere talaien osteko aroan. Greziarren aurkako gerretan egon ziren Sizilian, K.a. V. mendearen amaieratik IV. mendera, baita Bigarren Gerra Punikoan ere. Zehazki, jakina da Baeculako guduan parte hartu zutela.[1] Ondoren, infanteria arineko tropa laguntzaile gisa aritu ziren hainbat gudutan. Horien artean aipagarria da Julio Zesarren Galietako Gerretako legioetan izan zuten presentzia. Mertzenario-soldaduen hornidura borondatezko errekrutatze bidez egiten zen, nahiz eta gerra punikoen azken fasean kartagoarrek, tropa berriak errekrutatzera bultzatuta, istiluak izan zituzten Balear Uharteekin, eta badirudi, Menorcan bederen, nahitaezko errekrutatzeak izan zituztela.
Gaur egun uste da Balearren izena punikoko ba' lé yaroh hitzetik datorrela, non ba' lé "lanbidea dutenak" esan nahi duen eta yaroh hitzak "harriak botatzen dituztenak"[2]. Bitxikeri gisa, 1950ean Manuel Laborde saiatu zen Balearrak euskaratik azaltzen, "habailarri" hitza hartuz[3].
Erreferentziak
[aldatu | aldatu iturburu kodea]- ↑ Marcos, E. (2018): Batalla de Baecula (208 Ane). Localización de la contienda y análisis de la participación de los honderos baleáricos. Trabajo de final de Grado en Historia. Universidad de Barcelona. https://www.academia.edu/33549330/La_Batalla_de_Baecula_208_Ane_._Localització_de_la_contesa_i_anàlisi_de_la_participació_dels_foners_baleàrics
- ↑ Object, object. La intervención de Q. Cecilio Metelo sobre las Baleares (123 a 121 a. C.). Condiciones previas y sus consecuencias. (Noiz kontsultatua: 2022-11-20).
- ↑ Laborde, Manuel. (1950). «Aballarri, las baleares y sus honderos» Munibe 2.